Біздің тарих

Лисаков Жоғарғы Тобыл тарихы мен мәдениеті музейінде оңалту процесін жалғастыру жөніндегі облыстық комиссия жұмысының шеңберінде жиналған, Лисаков қаласының ақталған тұрғындары туралы ақпаратты ғылыми өңдеу аяқталды.
Ақпарат жинауға "Ардагерлер ұйымы" республикалық ҚБ  ЛФ (С.Г. Настенко), Октябрь кенті әкімдігінің өкілдері, Лисаков музейі, кітапхана, Лисаков қаласы әкімдігінің ішкі саясат бөлімінің қызметкерлері белсенді қатысты. Лисаков қаласы әкімінің әлеуметтік мәселелер жөніндегі орынбасары Г.К. Жарылқасымова жәрдем көрсетті.
Қостанай облыстық тарихи-өлкетану музейіне біздің қаламыздан 73 фамилиядан тұратын ақталғандардың тізімі ұсынылды. Кездесуге тура келген кейбір адамдар сөйлесуге, бланкілерді толтыруға, құжаттардың көшірмелерін, фотосуреттерді ұсынуға келіспеді. Бүгінде қалада негізінен қуғын-сүргінге ұшырағандар мен осы жағдайды басынан өткізген отбасы мүшелері тұрады, көбісі ата-анасынан, жақын адамдарынан айырылды, сондықтан өткенді еске алу кейде өте қиын. Дегенмен, Лисаков музейінің қызметкерлері негізгі мәліметтерді жинаудың келіп түскен бланкілерін, оңалту туралы анықтамалардың көшірмелерін, Неке және туу туралы куәліктердің көшірмелерін, мұрағаттық анықтамаларды өңдеп, облыстық музейге ақталған 51 Лисаков тұрғыны туралы қысқаша ақпаратты жіберді, ал жиналған материалдарды біздің музей қорына сақтауға қабылдады.
Осы тақырып бойынша мәңгілік сақтауға Лисаков мұражайына барлығы 156 зат келіп түсті: 53 фотосурет, 52 құжат (көшірмелер), негізгі өмірбаяндық мәліметтері бар 51 бланк.Бұл материалдар жарияланымдарды, көрмелерді, экскурсияларды, лекцияларды, бұқаралық іс-шараларды дайындау кезінде пайдаланылады.

Лисаков Жоғарғы Тобыл тарихы мен мәдениеті музейі
басшысының ғылыми жұмыстар жөніндегі орынбасары Ю.П.Буданова